venres, 11 de maio de 2018

Mes das Letras

Xa vai mediado o ano de Mª Victoria Moreno, a escritora elixida pola RAG para dedicarlle  o Día das Letras Galegas deste ano.
  A pesares de nacer fóra de  Galicia,   amou a nosa lingua e a nosa cultura e contribuiu a situar a literatura infantil e xuvenil galega nun lugar digno e a poñer en valor o uso da lingua, falándoa e escribíndoa ben. 
Tamén foi mestra e participou moi activamente na vida cultural da cidade de Pontevedra, onde viviu dende 1963

Recursos para difundir a súa figura e a súa obra  (picade nas imaxes para seguir os enlaces):


  • Biografía da escritora





  • Materiais e actividades doutros centros






  • Recursos do Seminario Galán








  • Recursos para traballar a figura da autora





  • Xogos interactivos,fichas didácticas








  • Letra e música do rap  do CEIP Antonio Fdz. López de Oural, Sarria







  • Liña do tempo  do IES San Paio de Tui


venres, 4 de maio de 2018

O Maio

Xa chegou o mes de maio e con el unha das tradicións máis ourensás. 
Os maios volveron "florecer" na escola anunciando a chegada da primavera.
Este ano, e por iso de que o musgo é unha planta protexida, decidimos facelos con material de refugallo: papel, cartón, cartolina... engadindo tamén elementos naturais: as flores e os bugallos que achegaron xs nenxs .
Tamén  elaboramos alfombras florais (o recendo a flores aínda  se nota no colexio) que, todo hai que dicilo,  quedaron bastante aparentes.
Os traballos comezaron a semana pasada coa confección da estrutura , o pintado do papel e a elaboración dos deseños para as alfombras e a composición das coplas.

Todxs traballamos arreo, pero o traballo mereceu a pena

Click to play this Smilebox slideshow
Create your own slideshow - Powered by Smilebox
A free picture slideshow by Smilebox

martes, 1 de maio de 2018

As familias contan... moito

Xs nenxs non chegan sos á lectura. Para ler na primeira infancia precísan aos adultos : as súas voces que suben e baixan, que exclaman, preguntan, contan e cantan...

O libro, o abrazo.  Non creo que exista un "sitio" mais exacto para situar o nacemento da lectura
(Yolanda Reyes)

Contareivos un segredo: ninguén le os contos mellor que unha mamá, un papá ou outro adulto amado por cada nenx.

A empatía, esa posibilidade de emocionarnos coa emoción doutra persoa, apréndese coas experiencias literarias da infancia. E como xs nenxs teñen poucos anos de experiencia, asómanse a experiencia dos maiores a través das historias que viven nas súas voces.

Nós temos moita sorte porque moitas familias están sempre dispostas a achegarse ao cole e poñer en práctica as súas dotes coma contacontos  e ler, non só para xs seus fillxs, senón tamén para xs seus compañeirxs de clase.  




Ademáis de contar os contos coma profesionais, algunhas familias viñeron acompañadas de marionetas, peluches e incluso agasallos para cada nenx.

So podemos dicir MOITAS GRAZAS. Sodes xs mellores! 

mércores, 25 de abril de 2018

Compartimos lecturas

O Apadriñamento lector é unha actividade sinxela pero moi gratificante  que puxemos en marcha hai algúns anos para o fomento da lectura, pero que conleva outras aprendizaxes, tanto ou máis importantes que as pretendidas inicialmente, que teñen que ver coas emocións que xurden da cooperación entre maiores e pequenos. 

Ademáis de mellorar os contidos relacionados coa lectura, mellóranse tamén as relacións interpersoais co achegamento de nenxs de idades diferentes.

Nas fotos que seguen podedes ver a padriñxs e afilladxs en plena faena:


Apadriñamento lector2018 by Slidely Photo Gallery

luns, 23 de abril de 2018

O amigo secreto


Non é a primeira vez que a biblioteca nos ofrece a oportunidade de agasallar a algún compañeirx cun libro.

O máis divertido, ademáis do momento de abrir cada un o seu agasallo, é o momento do sorteo ... 
¿ quen será o (ou a) afortunadx  que recibirá o noso regalo? 
Para iso, cada un escribimos o noso nome nun papeliño, metémolos nunha caixa e imos collendo un ao chou. Esa será a persoa destinataria do libro;  a non ser que o papeliño leve o noso nome, pois nese caso hai que devolvelo á caixa e coller outro diferente. 
Despois chega o máis importante: atopar un libro que satisfaga o gusto dx nosx compañeirx. 
O mais difícil é gardar o segredo, pois ninguén debe saber quen é o seu AMIGO INVISIBLE.



venres, 20 de abril de 2018

Momentos lectores

No noso cole somos verdadeiros leóns, pero non vos asustedes! Non somos leóns dos que viven na sabana, senòn leóns de libros...
Como veredes nas fotos, lemos en calquera sitio e situación : na casa e no monte,  na cama e no baño, no parque e na terraza...
 E non só iso: lemos sós e acompañadxs, lémoslle aos avós e aos bebés, lémoslle as nosas mascotas...

LER, LER, LER ...é unha das cousas que máis nos gusta facer!


Ti onde les? by Slidely Slideshow

xoves, 12 de abril de 2018

Contacontos: Sabela Gago

A AMPA do cole convidounos a unha sesión de contacontos a cargo da actriz Sabela Gago, cofundadora do grupo de teatro ourensán Sarabela.
Fixo que a nosa imaxinación descubrira a maxia que se agocha nos contos e todxs colaboramos cos nosos xestos, sons e interpretacións... e coas nosas risas...
"O ovo máis bonito do mundo" de Helme Heine foi o conto para os maiores .Narra a historia de tres galiñas moi fachendosas - Petipuá, Poliplasta e Pulchinela - que sempre estaban pelexando porque cada unha diciía que ela era a máis fermosa do galiñeiro. Foron a prguntarlle ao rei, pero non era doado elixir... As plumas de Poliplasta eran moi fermosas, as longas patas  de Petipuá encantábanlle e a crista de Pulchinela ... era de película!... Ao final decidiu  que a elixida sería a galiña que puxese o ovo máis fermoso ...  Cal das tres resultou gañadora?


Xs mais pequenxs disfrutaron cos contos de Martiño, un neno que estaba moi aburrido e tamén con "A selva" de Jean-François Martin no que o protagonista era un camaleón multicolor que quería atrapar a unha mosca moi chinchosa...


MOITAS GRAZAS A AMPA por traernos a Sabela e os seus contos. 
A nosa imaxinación agradécellelo de corazón.

xoves, 5 de abril de 2018

En abril, libros mil

Durante o mes de abril poremos en marcha moitas actividades relacionadas co libro e a lectura nas que participarán, coma sempre, o profesorado, o alumnado e as familias.


sábado, 24 de marzo de 2018

O pescador de contos


Recibir na biblioteca a visita  do grande ANXO MOURE é sempre un pracer.

Chegou arrastrando o seu batuxo, convidounos a subir á súa barca e ensinounos a pescar contos de xacias e homes-peixe, de troitas e lampreas; contos que fuxen da contaminación dos ríos .

 E que fixemos con eles?

 Pois... cociñalos para que alimenten a nosa imaxinación e para que poidan volver nadar nos ríos e nas lagoas e bañarse nas fervenzas.

xoves, 22 de marzo de 2018

A nosa homenaxe ás árbores


O Día das árbores é especial porque celebramos a importancia e o rol vital que teñen as árbores na vida do noso planeta.
A primeira celebración foi en Suecia en 1840 e, dende aquela, todos os países do mundo se foron sumando a esta tradición.

Nós pensamos que a mellor homenaxe que lles podemos facer ás árbores e coidalas e organizar unha plantación no patio.
Para iso, que mellor que recibir aos Pepes (Pepe Santos e Pepe Conde), os nosos dous ecoloxistas preferidos?

Primeiro, un saúdo  ás árbores que apadriñamos o ano pasado non ven mal...

 E logo, a facer buratos e enterrar as raíces das novas árbores que nos trouxo Pepe...
  Xa temos máis de 20 especies diferentes !


DiaDaArbore2018 by Slidely Photo Gallery
Related Posts Plugin for WordPress, Blogger...